「個女未出世我已經申請公屋，輪候咗好耐，𠵱家終於分配間公屋畀我，真係唔想放棄，況且長遠嚟講可以減輕住屋開支，唔使每個月要喺綜援金入面補貼幾百蚊租金。」單親媽媽阿依說。
其身旁四歲女兒慧慧亦不禁興奮地嚷着：「就嚟搬屋啦！」
二十六歲的阿依，數年前與男方感情破裂後，便靠申領綜援金過活，女兒慧慧現年四歲，就讀幼稚園中班，母女租住舊區唐樓一個套房，環境欠佳，加上社會福利署租金津貼不足以支付租金，她每月要在緊絀的生活費中撥出四百多元補貼屋租，令生活百上加斤。
日前，阿依的公屋申請獲房屋署批准，母女終有一個安穩住處。
然而，阿依難以應付搬遷雜費，包括屋租、水電和煤氣按金，以及僱用搬運工人等開支。
「我銀行簿一毫子都冇，淨係屋租按金加第一個月嘅租，已經要二千幾蚊，我邊負擔得嚟！」阿依苦惱地說。
自女兒出世後，她一直接受社署安排的心理輔導，近日受到搬屋問題困擾，令其情緒變得波動。
蘋果日報慈善基金有見阿依的困境，即時撥款六千元助她應急。
捐款編號：C1542
暖流熱線
電話：29908688
傳真：23702192
電郵：
網址：