美國大選順利落幕，向全世界示範咗乜嘢係成熟嘅政治同政治家嘅風度。雖然選舉過程有各種小蝦碌，例如票站改咗、停電、排長龍等等，但只屬小問題。
香港可能有啲人見到美國選舉嘅蝦碌好開心，因為可以振振有詞：嗱，美國都咁啦，我哋上次選舉有啲混亂，好平常啫……香港點解做唔到真正國際都會，大家明啦。
八方當晚喺九龍灣展貿中心等立法會選舉結果等足一晚通宵，當時好奇怪點解效率一流的香港公務員會搞成咁。後來同一位對選舉工作好有經驗嘅官傾開，佢都話好驚訝，覺得公務員隊伍響咗警號。阿胡官雖然口硬，但據知選委會內部份資深成員私下都仰天長歎；而佢哋最㷫，就係林局長第一時間企出嚟話「已經提過佢哋啦」，咁即係點？即係唔關自己事乎？
（圖）人哋美國蝦碌搞到選民排長龍，唔代表香港選舉大混亂係應份。
傳真︰2623-9278
電郵︰