繼前日遠東發展（035）系一門三傑狂升後，噚日又輪到麗新系一門四傑耀武揚威，隻隻升幅都有兩成以上，其中最勁就係麗豐控股（1125），升幅高達33.5％，收0.255元，成交股數高達3.29億股，金額7886.5萬元。
雖然麗新系喺澳門有啲地產項目，但咁都炒得一大餐，就確係令人難明。
經紀陳話，可能最近多人在股市炒作搵到錢，所以稍為有消息有成交的股份，都唔理三七二十一撲落去炒一餐。
噚日經紀陳講起一隻冷門股聯合集團（373），小初聽完當堂嚇一跳，皆因公司前主席剛剛單官司認罪，乜咁快又有得炒？
經紀陳就話小初有所不知，人哋呢啲嘢分得好清楚，家陣前主席單官司了結，反而係雨過天青，況且聯合系蟄伏多年，近年來頻頻回購，股價升番唔少，但仍較資產值有大折讓，所以唔係冇得諗。
聯集昨日升3.95％，收7.90元，成交股數196.9萬股，金額1519.8萬元。
慕容小初