民主黨四分五裂，已經唔係秘密，今期壹仔用李柱銘做封面，話佢都「管唔到」個黨嘅事，張相影到馬丁好似生意失敗咁嘅款，相信民主派班擁躉睇到都心噏。不過，八方覺得唔使悲觀，有次同華叔食晏，講起第二梯隊培訓嘅事，佢老人家輕輕應咗一句：第一梯隊夠應該培訓。鳳凰火浴，民主黨都係時候脫胎換骨。
民主黨分裂，其實成個泛民主派亦一樣，好多人就等住睇大狀黨幾時「轉軚」。政治薰風下，骨頭輕者，好快現形，唔一定係大狀。講開班大狀，湯家驊正在準備佢份百日大計重點，就係公平競爭法，本來話呢個禮拜公布，但因技術問題拖到下周。另外三位大狀，也各有工作範疇。公眾眼睛雪亮，做咗幾多嘢，一定有人知嘅。
（圖）湯家驊好努力準備緊佢個百日大計，大家要拭目以待。
傳真︰2623-9278
電郵︰