電訊盈科大公關馮太前排同周一嶽一齊帶領傷殘奧運代表去希臘比賽，不幸發生交通意外，傷咗個肝，嚇到馮載祥馬上飛過去陪伴嬌妻。馮太返咗香港，休息一輪後，上個星期先至可以返工。各方好友都好關心佢嘅健康，前日馮太首次復出同記者一齊食飯敍吓舊，佢套裝一襲，比以前清瘦咗，但就一樣咁精伶。佢話出事後頭嗰幾日無嘢好食，只係食粥水，所以瘦咗，重講笑話好過做纖體。𠵱家雖然好咗好多，但唔飲得酒，亦容易攰，好早就要上床。佢又話最希望係盡快調理好身體，食西餐嗰陣可以飲紅酒。記者特地送咗一個果籃畀馮太，入面有朝氣勃勃嘅香蕉、富貴榮華嘅柑、同冬瓜（don't瓜）。
據知，撞傷馮太係個西班牙人，呢位「禍首」好有心，不時打電話來問候；有次佢打畀周一嶽醫生（當時重未做局長），周太撲去聽電話，竟然跌跛咗；真禍不單行。
（圖）馮太（右）車禍後，又遇到周局長夫人跌斷腳，真唔好彩。
傳真︰2623-9278
電郵︰