郭富城前晚完成六場個唱，其過氣緋聞女友藤原紀香親往紅館捧場，城城對着她唱「babybabyonlyone」，完騷更即致電對方。城城昨晚與紀香飯敍，但聲稱與對方只是純友誼關係。
郭富城在紅館舉行一連六場的演唱會，前晚圓滿結束。捧場的嘉賓十分多，包括城城母親、蔡卓妍、楊千嬅、鄺美雲及梁漢文等。城城在開場時特地以英語感謝紀香，他說：「今日有好多朋友嚟支持，好多謝。comefromoversea,thankyouverymuch!」然後城城又向其母揮手，大叫：「阿媽！」
當城城獻唱《誰能代替你》至「babybabyonlyone」一句時，特意用手指向紀香所坐的位置，看得紀香如癡如醉，更看完安哥部份後才離場。
城城在慶功宴上表示早知紀香會到，他說：「佢好有心，嚟搞私人事都嚟睇我演唱會，佢身邊朋友我都識，係日本工作人員。佢同我公司嘅人都好熟，佢同我講想嚟睇，我咪請佢囉。」提到紀香看得十分投入，城城甜笑說：「我諗最重要係友誼，由○○年到今日，大家喺唔同地方發展，友誼無論幾遠都可以擁有，我完騷後都有打畀佢。」
紀香今次來港只逗留數天，城城謂：「我一定會約佢食飯，同成班同事一齊，單獨就唔會。」城城昨晚與紀香到香港仔遊艇會晚膳，城城先以保母車引走一眾採訪車，最後到達深灣遊艇會，未幾城城駕着其黃色法拉利到達。而紀香在城城到達前已到深灣遊艇會，到達後才發覺去錯地方，要步行到旁邊的香港仔遊艇會與城城會合。
城城前晚還透露有意拍全裸寫真照，但只作私人珍藏，他說：「希望十一月尾可以搵個地方影到，我想喺四十歲前影一輯相，作私人紀念，唔着衫都唔定，我同張叔平傾緊。」
採訪：胡比 攝影：陳偉權
