無綫踏入台慶月，本應皆大歡喜，但喺一片裁員陰影下，相信唔少員工只能強顏歡笑，但有一個早前被裁嘅攝影師卻突然接到喜訊獲公司挽留，前日高層叫佢返公司照常工作，消息指原來當日開刀時幅度太大，搞到𠵱家唔夠人用，惟有要求個夥計食回頭草。至於上個月遞信辭職，計劃今個月底離職嘅新聞部三巨頭羅燦、張志剛同謝彩雲，就冇得留低慶祝台慶嘞，八方收到風三人獲通知做埋呢兩日就唔使返工。
而被炒嘅主播李燦榮則未有新動向，但係透露可能會出本書回顧做記者多年嘅經歷，雖然未有具體內容，但已經有書名《三十分鐘改變一生》，無綫六點半新聞長半個鐘，呢三十分鐘的確見證咗唔少歷史。
傳真︰2623-9278
電郵︰