政府今日會公布公務員薪酬水平調查嘅建議調查方法同適用範圍，噚日八方喺立法會見到銀行界代表李國寶，順口問吓佢覺唔覺得公務員人工偏高，寶哥哥答得好趣致，話要睇係邊啲公務員，因為有啲公務員人工太低，有啲就太高。
咁邊啲公務員人工太高呢？寶哥哥話到明，包括首長級官員在內，都同人唔同命，有啲人做到好辛苦，但有啲人就唔值咁嘅錢。佢笑笑口話，名就唔講啦，言下之意係想叫大家自己估。有口痕友索性指名道姓，問政制事務局局長林瑞麟係咪佢口中所講「唔值咁嘅錢」嘅官？寶哥哥竟然叫記者問吓林D9，睇佢覺得自己人工係高定低喎。
傳真︰2623-9278
電郵︰