韓國男星權相佑為咗拍攝新劇《悲傷戀歌》而飛到紐約，不過搭完一輪長途機嘅相佑哥，似乎重未習慣到時差，所以前晚美國時間成十二點幾佢都重未瞓着，走咗去佢嘅官方網站度留言畀fans，報告吓近況。相佑哥話雖然好攰，但又瞓唔着，而且因為代替宋承憲演出嘅延正勛重未批出美國簽證，搞到佢都好擔心，希望套劇可以快啲順利開拍。