由公益金主辦、挑戰國金二期八十八層樓高嘅慈善跑，真係少啲腳骨力都唔可以共襄善舉，金管局噚日由總裁任志剛帶領，聯同其他二十名員工，率先衝擊八十八層目標，結果共籌得善款一百二十六萬八千蚊。金牌司儀嘟嘟姐，加埋歐錦棠做主持，大行賓架如滙豐柯清輝、渣打王冬勝，同新濠國際董事總經理何猷龍等，亦以公益金代表身份出席儀式，當然亦幫任總打打氣。
一向行慣山嘅任總輕輕鬆鬆，只用咗二十八分鐘，就從地面跑至國金頂樓，紀錄直迫一眾青春少艾。該局參與慈善跑嘅所有健兒，平均速度都要三十二分鐘，至於該局最快嘅飛毛腿，僅需十七分鐘就跑晒成幢樓，認真犀利。
傳真︰2623-9278
電郵︰