廖碧兒、譚耀文、滕麗名、魏駿傑、趙雅芝、黃錦燊及二十位中華小姐候選佳麗，昨日於中環出席「浪漫經典頒獎典禮」活動，眾藝人均獲大會送贈ERNESTBOREL名表。趙雅芝與丈夫黃錦燊成為「AdmirableRomanceAward」得主，而滕麗名及魏駿傑則成為「EverlastingRomanceAward」得獎者。大會還安排廖碧兒及譚耀文與二十位準中華小姐行catwalk表演。
廖碧兒昨日以連身短裙出席，性感非常。對於有報道指她翻𠝹劉愷威及向無綫製作部副總監曾勵珍送月餅一事，她回應說：「冇睇到報道！冇乜話分唔分開，大家根本一直都係朋友，重有聯絡，我係有送月餅畀珍姐，不過我無綫個個都有送，全部都係放喺佢哋辦公室門口。」問到無綫可有禁止她拍拖時，她說：「公司冇講唔准拍拖，珍姐只係會同我講工作上嘅嘢，不過我覺得目前係做嘢行先。」
此外，譚耀文與二十位中華小姐行catwalk時顯得有點緊張，他說：「唔緊張！不過我好少行catwalk，而且出嚟又要扮到好型咁。」
採訪：王崇穎 攝影：葉君海
