立法會選舉都選完成兩個月，但九龍東選區是非繼續，民主黨參選樁腳何偉途因被指嫖妓被扣內地，分分鐘連區議員個位都做唔落去，肥仔李華明好可能要代何偉途出戰補選。同係九龍東嘅民建聯陳鑑林取笑肥仔李，話如果真係要勞動到李華明出山，證明佢「絕後」，即係黨內冇第二梯隊接到棒。
李華明話補選十畫都未有一撇，佢自己到時選唔選，都同有冇第二、三梯隊無關，所以不屑回應「絕後」論。
陳鑑林笑人絕後，自己就俾人燒後欄，工聯會鄺志堅噚日就爆響口，話工聯會幾位議員打算喺觀塘最旺嘅裕民坊開地區辦事處。有記者問咁算唔算踩陳鑑林場，鄺志堅直認話，參選時工聯會都已經同民建聯分開兩張名單各有各做，好平常啫。
傳真︰2623-9278
電郵︰