周潤發太太陳薈蓮前日否認懷有身孕後，昨日又風塵僕僕趕到廣州最高人民法院聽審，事緣今年三月發哥的藝才製作公司控告內地康佳集團在廣告合約屆滿後，違反合約繼續使用發哥拍攝的廣告，侵犯其肖像權，當時深圳市中級人民法院判發哥一方敗訴，發哥其後提出上訴，昨日在廣州開審，發嫂以控方代表人身份出庭，吸引大批記者到場。
昨日雙方律師經一個多小時陳述後，案件押至三個月後宣判。發嫂事後說：「我同老公要提出上訴，係希望康佳能夠尊重法治精神，既然合約都完咗，佢公司應該尊重合約，冇理由再攞番啲舊廣告相嚟登。上次喺深圳法院打呢場官司，法院判我哋敗訴，我覺得好唔合理，發仔版權俾人侵犯，有乜可能重要判侵權者勝訴，所以呢單官司，我係一定要抗爭到底，如果今次再輸，我哋會繼續上訴。」
發嫂指內地已逐步開放，又加入了世界貿易組織，有信心內地政府會慢慢建立完善的法治環境，她說：「打官司係要求取回公道，唔係為錢，就算贏咗官司得到賠償，我哋都係用嚟做善事。」
此外，內地有報道指袁和平明年開拍的西片《白雪公主和七武僧》，男主角已選定發哥，該片講述一名中國公主因受了極大冤屈，離開皇宮在民間流浪時，認識了七名少林武僧並受對方保護，更與其中一名武僧（發哥飾）互生情愫。
採訪、攝影：曾小嘉
