黃伊汶所屬的唱片公司昨日安排一架掛上其大型海報的貨櫃車，於港九新界遊街宣傳新唱片，黃伊汶更穿上全身價值逾十萬元的衣飾，為新碟造勢。
黃伊汶（Emme）昨日於海港城露天停車場宣傳全新大碟《GoodShow360°全面睇》，其唱片公司特別找來一架貨櫃車掛上她的海報遊街宣傳，並找來Emme新歌《殘忍》MV男主角蔡一傑出席記者會，為Emme打氣。Emme則特意穿上Loewe贊助、價值八萬元的黑色皮草，更笑言全身衣飾總值逾十萬元。
對於到場打氣的是蔡一傑而非其緋聞男友余文樂，Emme說：「我原本都唔知今日個嘉賓係邊個，但我知道一定唔會係余文樂，因為佢同我出碟根本完全冇關係。好多謝傑仔幫我拍MV，我都請佢食咗餐飯，如果第時佢有需要搵我跳舞，我都會幫佢。」問Emme《殘忍》MV有血腥場面，可會擔心電視尺度？她說：「電視出街會再拍過一個，碟內個MV只喺卡拉OK播。」
此外，早前有報道指蔡一傑爛面及疑患有紅斑狼瘡症，他昨日對此氣憤地說：「成日都亂寫，唔使咁認真嘅，佢哋只係無中生有，我啋瘟過佢，寫我嗰個一星期後就馬上生嘢。我有時食海鮮係會有少少皮膚敏感，不過佢哋用電腦整到我塊面好似爛到啲蟲就快出嚟咁。」
對於梅媽可有致電邀請任十二月慈善演唱會嘉賓，蔡一傑擰頭說：「點解又講呢啲嘢？問番我本身嘅嘢喇，其他事我唔想講。叫啲人唔好咁執着梅媽講嘅嘢，好多徒弟都要搵食，我唱歌啫唔係要講人是非，我有冇心唔使同人講，亦唔會去討好任何人，我對阿梅有冇心，阿梅知就得。」
採訪：王崇穎 攝影：仇志德
