八十年的星光 - 李八方

唔經唔覺，盛產高官富商同政要嘅九龍華仁書院即將踏入八十周年，八方收到九華嘅紀念冊《五十六號的星光》，原來九華校舍最先坐落砵蘭街，經過三度搬遷，現校址位於窩打老道五十六號，曾經係窮人學校嘅九華如今已經成為星光熠熠嘅名校。
對於八方嚟講，九華絕對係「龍蛇混雜」，校友當中，有爭取民主嘅梁家傑、李柱銘，亦有致力保皇嘅邵善波、路祥安。紀念冊裏面有好多猛人，亦有好多笑料。七六年畢業嘅梁家傑家陣雄辯滔滔，原來佢中二嗰陣唔止「自閉」，重好唔合群，搞到當時嘅班主任蘇中平校長要搵Alan嘅爸爸嚟傾偈㖭。


傳真︰2623-9278
電郵︰[email protected]