天水圍私人屋苑慧景軒一住戶，為新居申請和記環球電訊固網電話，但過了啟用期限網絡仍未開通，沒有家居電話可用，多次追問下，一職員敷衍塞責，順口回覆：「鋪漏咗你個單位電話線」，言語間透露難再重新安裝。事主大感吃驚，為尋找解決辦法而受困擾；經本報跟進後，始獲悉是職員不負責任，胡亂發放資料所致，事主不滿無端被折騰一個多月。
「咁大嘅屋苑惟獨我間屋用唔到固網電話？剛剛落成竟然話鋪漏我單位組電話線？重話冇辦法處理，煩咗我足足個幾月！」今年九月始遷進慧景軒的湯先生，向記者憶述和記環球職員聲稱其單位「鋪漏線」事件時，一臉無奈。
他說，九月申請和記環球電訊固網電話，本應於九月底啟用，惟過了期限仍未開通，他多次致電和記了解，每次均不獲回覆，經多番追問，終有一職員回覆他，答案卻令他大為震驚。
他說，職員稱該屋苑已完成整個鋪設電話線工序，但惟獨「鋪漏咗你個單位」，湯先生問如何解決，對方表示：「𠵱家都冇辦法用到和記，如果要幫你鋪番啲線，係好大工程，如鑿番開啲石屎……都好難解決㗎喇；你搵其他固網商啦！」
湯先生說，他質疑若只是其單位本身沒有鋪設電話線，就算申請其他固網商，亦根本無法使用固網電話，假設其他固網商肯為其鋪線，亦同樣需大興土木，重新展開工程。
「我同佢哋講，咁嘅情況下，根本用唔到固網，但個職員始終冇正面回應，只係叫我搵其他固網商！」湯先生大感無助，向本報反映求助。
慧景軒發展商、長江實業地產發展有限公司回應稱，本報轉介投訴後始知悉事件，並即時聯絡和記環球電訊；據了解，事件純屬職員與業主言語溝通上誤會，並不存在任何未鋪設電話線之情況。
長實發言人續稱，整個慧景軒之電話線已於入伙前鋪設妥當，並由專業人員測試合格。據和記環球電訊回覆，倘慧景軒業主辦妥申請手續後，固網電話便可即時啟用。
和記環球電訊有限公司只簡單回覆本報查詢，覆函不足30字，表示已完成跟進及向客戶解釋。
但湯先生不滿道，和記環球電訊個多月以來，一直拖字訣，自《蘋果》跟進後才獲積極處理。「問親嘢都好似石沉大海咁；𠵱家經報館轉介，佢哋先認真面對；但呢刻就話畀我聽，原來係佢哋搞錯咗，根本冇鋪漏線呢回事！等我呢個幾月大費周章，四出奔波諗辦法！」 （一○一五○二七）
服務熱線
電話：29908288
傳真：23702192
電郵：