大狀黨嘅湯家驊下星期三喺立法會提動議，要求政府安排全體議員同中央講講○七、○八年雙普選。民建聯譚耀宗提修訂，大刀一揮將湯大狀動議內嘅「○七、○八年雙普選」切咗，改為點樣「落實○七、○八年政制發展」及點樣「達致普選」，當堂將湯大狀嘅動議閹割咗。
今日立法會辯論貧窮問題，民主派內部又有不同意見，「民生連線」嘅張超雄走去修定同一連線馮檢基嘅動議。民建聯都一樣，辯論超低硫柴油稅連黨友都冇面畀，將會否決王國興提嘅修正案，因為王國興代表工聯會。王國興上周同嫻姐一齊抦陳鑑林，民建聯呢鋪係咪報仇先？
傳真︰2623-9278
電郵︰