今個禮拜五就係樂施毅行者出發嘅大日子，今年有九百八十支隊伍，一共三千九百幾人參加，佢哋要喺四十八小時裏面行完一百公里嘅山路。今年經已係第二十三屆毅行者，而讀書嗰陣已經係運動健將嘅衞生福利及食物局局長周一嶽，十幾年前原來都參加過三次毅行者。
周局長噚日出席毅行者記者會時話，佢重記得第一次參加時辛苦到要中途退出，第二次同一個失明、三個曾經癱瘓嘅病人一齊行，佢哋因為太攰喺路邊瞓咗三個鐘，瞓到周身骨痛，第二朝食早餐又食得太飽，結果用咗四十二個鐘先完成比賽，周局長重行到雙腳生咗十三粒水疱。到咗第三次，周局長只花三十五個鐘就行完一百公里。
傳真︰2623-9278
電郵︰