【本報訊】教育官員連日來四出推銷「三三四」學制改革，但作為主要「用家」的莘莘學子，卻從來被摒棄在諮詢範圍以外。教育統籌局局長李國章昨出席一青年活動時，遭在場學生連珠炮發質疑通識教育削弱知識面；有學生直指政府過去不聽民意，企圖強行就《基本法》23條立法，有礙下一代發揮通識科要求的批判思考能力。
「通識教育培育批判思考，但係政府一直以嚟對於民主訴求，好似23條咁，都唔想接受人哋嘅批評，想問咁樣會唔會有礙於年輕一代嘅批判思考同埋民主發展呢？」香港青年協會主辦「教育統籌局局長與青年真情對話」的活動上，八百多名中學及副學士學生爭提出尖銳問題。自言因推銷「三三四」而聲沙的李國章只選擇性地回答問題，對於學生質疑政府對社會的民主訴求充耳不聞。
有學生指通識教育內容淺顯，可能令精英避走海外，李國章重申學科多並不等於知識多，指通識科着重培育學生搜集資料的能力，較實質知識更重要。另一學生隨後追問：「你話搵資料，中國文化科同UE（英語運用科）都學到啦，咁通識教育有乜作用？」李國章只以通識教育可發掘學生潛能，期望學生以後喜歡學習等「標準答案」作回應。
有學生以「投資係有風險」作引子，問李國章一旦改革失敗，在問責制下會否承擔後果？局長回答：「相信做教育唔可以失敗，因為會影響下一代……相信會成功，唔會浪費資源。」
至於高官紛紛送子女往外國升學，是否意味本港教育制度有不足之處，李國章只好笑說：「佢哋覺得唔夠你哋鬥，唔夠你哋咁叻……公務員都有（教育）津貼，咁咪用咗佢囉！」