若果閣下鍾意喺九龍夜眺香港欣賞夜景，噚晚可能發現一幢發光嘅大廈，上面寫住「交心七十載，攜手創未來」十個大字，無錯！就係交銀大廈。呢個早來嘅燈飾，會擺到出年一月底，聖誕時會加料㖭！
呢個燈飾，係為咗慶祝交銀香港分行成立七十周年。據八方所知，香港分行成立於一九三四年十一月二十七日；交銀總行始建於一九○八年，為中國早期嘅發鈔行之一，𠵱家位列中國五大，屈指一算，重有四年就一百大壽！
爭啲唔記得，交銀搞咗個競猜遊戲，邊個估中燈飾嘅燈泡總數，有機會攞到價值一萬大元、來回香港上海嘅商務客位來回機票兩張。交銀分行有參加表格，上網參加亦得，十一號開始估，本月三十號截止。
（圖）交銀香港分行副總經理壽福鋼（中）主持七十周年慶祝活動亮燈儀式。
傳真︰2623-9278
電郵︰