葉玉卿昨日與家人往金鐘午膳，穿上運動服的她戴上共重十卡的鑽石耳環配襯名牌手袋，一派闊太風範。卿卿表示平時照顧三名子女，會緊張到標汗。
現於美國居住，已是三個孩子母親的葉玉卿早前返港，昨日與家人往金鐘太古廣場夏宮午膳，過着闊太生活的她穿上輕便的DKNY運動服，佩戴每隻重五卡的鑽石耳環及襯以近萬元的Balenciaga手袋，十分富貴。
昨日葉玉卿十分保護五歲大的長女芷欣，一見記者拍照即命人先帶走她。葉玉卿透露今次原本計劃與丈夫胡兆明過二人世界，但女兒芷欣在家哭着要求同行，她說：「佢讀緊幼稚園要返學嘅，但係我老公就心軟話要帶埋佢嚟，所以惟有向學校請假。」
昨日見葉玉卿身形纖瘦，她笑說：「我搞纖體就差唔多，日日湊住三個細路重辛苦過返工，可能出番嚟拍戲都冇咁辛苦。」
葉玉卿又表示三名子女中，她最錫五歲的長女芷欣，她說：「因為我始終對咗佢五年嘛，對兩歲半嘅細仔我真係有啲罪惡感，因為覺得陪佢嘅時間唔夠多，不過我做咗媽咪後，懷疑自己有間歇性失憶同老人癡呆症，個細仔一爬高爬低，我就會緊張到標晒汗。」她又表示以女兒名字命名的「VictoriaTower」將於明年建成，問她今次有沒有與好友邱淑貞見面？她說：「佢都唔喺香港。」
採訪、攝影：顏英儀
