楊怡、鄭嘉穎和林峯等，日前在珠海拍攝無綫新劇，劇情講述楊怡在橋上不慎跌落河。但該條河受到污染，臭氣熏天，頂硬上拍攝的楊怡，擔心會被水蛭吸血。
鄭嘉穎、楊怡、林峯和新加坡演員楊志龍等，日前在珠海拍攝無綫新劇《YummyYummy》，其中一場戲講述楊怡和楊志龍在橋上取網時，不小心墮河，雖然河水不深，但附近村民都把污水倒進去，環境大受污染，故楊怡很擔心會被水蛭吸血。
劇情講述楊怡和楊志龍本在橋上取網，可是欄杆突然斷裂，失足跌落河中，幸好跌的過程由替身代勞，不過二人仍要在及腰的河水中拍攝。
楊怡有見河水非常污濁，故落水前先以礦泉水淋濕頭髮，楊怡說：「我第一次喺內地拍攝落水鏡頭，我都知啲水好污糟，河底重係淤泥，替身拍嘢都唔見咗對拖鞋。我最驚係河水裏有水蛭，楊志龍都俾佢咬到。」楊怡表示拍完這場戲，會立即返回酒店洗澡，她說：「我連手指甲都綑晒邊，要沖好耐先乾淨番。」
同劇的林峯和鄭嘉穎卻經常惹緋聞，他們這次更跟有「嗲精」之稱的佘詩曼合作，鄭嘉穎說：「我同阿佘識咗好耐，咁熟都唔怕，我同佢冇feel唔過電，而且佢冇嗲過我。其實某程度上有桃花係需要，但唔可以太誇張同炒作。」林峯表示這次拍時裝劇應不及古裝劇辛苦。
採訪、攝影：曾小嘉
