前政務司司長陳方安生（圖），噚日喺洲際酒店參加一個由Citigroup舉辦關於女性理財嘅晚宴，不過佢唔係教大家理財，而係講女性喺現今社會嘅重要性。陳太重引述毛主席話，「Womanholduphalfthesky（婦女能頂半邊天）」，叫大家千祈唔好睇小女人！
陳太話，提高女性地位要自己爭取，好似佢六二年加入政府嗰陣時，男女重係同工唔同酬，要爭取到八十年代先至成功。不過陳太晚宴後，冇答有關公投嘅問題！
但主辦機構真係講一套做一套，口頭話尊重女性好重要，但就粗暴對待在場採訪嘅女行家。有女行家同陳太一齊走嘅時候，有個外籍工作人員攔住成條路唔畀人行，又多次用膊頭撞開某個女行家，一聲對唔住都冇，搞到八方睇到好谷氣！
傳真︰2623-9278
電郵︰