黃夏蕙前晚在中環慶祝萬聖節，自稱其造型是「厲鬼訴寃」，她說：「我有老公（指胡百全）都探唔到，佢俾人困喺醫院成六個月，我真係要化為厲鬼先可以呼寃，飛去佢懷抱，胡百全一個月前打電話畀我，佢同我講『不及黃泉，無相見』，佢叫我要好好照顧自己同仔女。」黃夏蕙因為太掛念胡百全，親自寫了一首「鬼節訴寃詞」，內容講述她不能探望患病老公的苦況。
當晚黃夏蕙又接到黃大仙警署電話，指有人用她的手提電話號碼行騙，她說：「最少已經有十次有人用呢個號碼呃人錢，但我唔會改冧巴。」
此外，鄭希怡（Yumiko）、梁洛施（Isabella）、2R和Cookies等，前晚在海洋公園出席新城的萬聖節派對，Isabella化了一個「爛面look」成為全場焦點，她說：「我本來想將啲血漿搽喺塊臉度，扮得再醜啲都冇所謂。」Yumiko則笑指自己是「火雞」，但因為身體不適，所以沒心機打扮。2R的外婆去年萬聖節去世，姐姐Rosanne說時還眼濕濕。
採訪：胡比、卓美娟
攝影：何國豪、葉君海
