金管局總裁任志剛噚日第一次出席新一屆嘅立法會財委會，有超過十個議員提問。新一年，任總喺立會提咗個好新穎嘅意見，話希望銀行趁經濟好，請番啲人。任總此言一出，馬上觸動李卓人嘅神經，一到佢發問，即刻話：「頭先聽到任總話，銀行裁員影響服務，希望李國寶議員同陳智思議員都聽到。」
寶哥哥聽到李卓人叫佢請人，即刻將張椅一百八十度一轉，面向李卓人，向佢展示出一個好友善嘅笑容。唔通想請李議員？講番轉頭，任總今次再去立會應該好開心，因為又見到佢老友劉慧卿（圖），但卿姐冇發火，只係話「好歡迎任總嚟同我哋開會，相信今屆任總仍會定期嚟同我哋滙報啦」。惡人由一個變成四個，點敢唔嚟？
傳真︰2623-9278
電郵︰