八十歲的岑有婆婆，年輕時沒有結婚，晚年過着孤寂的獨居生活。岑婆婆近年病痛多，年前患過腸癌，亦患有糖尿病，為怕求助無門，她希望安裝一部平安鐘，惟她靠微薄積蓄生活，無力負擔裝鐘的費用，蘋果日報慈善基金有見其需要，已於「平安鐘專戶」撥款，助她達成心願。
記者日前相約岑婆婆家訪，她千叮萬囑記者要早點到達，因為她身體欠佳，每晚最遲八時便要上床就寢。「我好冇精神㗎，成日頭痛，所以好少出去，好早就要瞓覺。」一頭白髮的岑婆婆對記者說。
勞碌大半生的岑婆婆，近幾年身體比較差，過幾天她便要入院動手術，切除左邊臉頰上的大粉瘤。「呢個瘤愈長愈大，搞到我食嘢都食唔到，醫生話一定要做手術，𠵱家我最擔心出院後冇人照顧。」
獨身的岑婆婆，二十多歲時由內地來港謀生，數十年來一直打住家工，直至年近六旬才退休。「自己冇人冇物，都係靠啲子姪久不久嚟探吓我。」
岑婆婆平日要自我照顧起居生活，不過隨着年紀漸長，她的身體大不如前，除患有糖尿病之外，兩年前更患上腸癌，動過大手術。「我嗰次真係死過翻生，好彩發現得早，腫瘤冇擴散。」
最近岑婆婆又不慎摔倒，導致行動不便，精神更加一落千丈，現要靠輔助架輔助步行。岑婆婆歎道︰「人老咗就冇用，今次跌一跤，幾乎成身散晒，𠵱家行又痛，瞓又痛，呢兩個月前後瘦咗十幾磅。」
有感意外頻生，岑婆婆在社工建議下，打算安裝一部平安鐘，以備不時之需。「我𠵱家暈咗喺屋企都未必有人知，所以想裝番部平安鐘，不過，我就負擔唔起價錢。」
岑婆婆現居於公屋單位，靠微薄積蓄及一千二百餘元的傷殘金過活。「每個月淨係交租、交電費、電話費，都差不多要七百蚊，自己嘅積蓄又食得七七八八，有時要靠子姪畀些少錢我使。」
由於岑婆婆並非綜援長者，因此不獲政府資助裝鐘。蘋果日報慈善基金有見岑婆婆獨居無依，加上身體欠佳，遂於「平安鐘專戶」撥款二千五百元，資助她免費安裝及永久享用由長者安居服務協會提供的平安鐘服務。
長者安居服務協會成立於一九九六年，屬非牟利機構，透過「平安鐘」為獨居弱老提供全日一線通呼援服務。善長可透過蘋果日報慈善基金捐款，資助有需要但未符合政府資助資格的弱老，免費安裝平安鐘。「平安鐘專戶」捐款編號︰C0650
暖流熱線
電話：29908688
傳真：23702192
電郵：
網址：