涉嫌「嫖妓」不經審判被判「勞教」半年嘅民主黨觀塘區議員何偉途獲「提前釋放」，近日又再傳到似層層，大陸傳媒噚日向東莞市委宣傳部外宣科查詢，負責人好權威咁澄清，話至今未有收到何偉途獲提前釋放嘅消息，並表示除非接到上級通知，否則何偉途要「勞教」半年，重講明應該唔會提前釋放，即係何偉途要喺東莞過埋農曆年，最快要出年二月先可以返港。
根據內地報道，有關負責人指何偉途喺獄中「表現良好」，身體亦非常好，暗示所謂「保外就醫」機會唔大。表現好，反而要坐足，日日冇厘精神，反為有得「保外就醫」，都幾奇。
（圖）內地早前發放何偉途（右）喺獄中打波照片。
傳真︰2623-9278
電郵︰