噚日財爺唐英年到立法會諮詢議員對下年度財政預算案嘅意見，講到酒精飲品稅，唐英年指有社會人士認為，應取消有關稅項嚟促進旅遊業，但佢又話，有關稅款涉及七億幾港元，為政府提供穩定嘅收入。隨後財爺同議員嘅對答就有啲搞笑，唔知點解大家明明無飲酒，但都忽然間講到語無倫次。
工聯會議員鄺志堅話自己反對減紅酒稅，因為支支紅酒郁吓都幾千蚊，有錢人飲酒應該唔怕交多啲稅，但係佢就支持減啤酒稅，因為佢話啤酒多數係基層市民飲，佢重將話題扯到冇雷公咁遠，話有好多工友中午食飯，都鍾意飲番支啤酒。
唐英年就重妙，回應時一句都冇講減唔減酒稅，只係好鄭重咁奉勸建造業嘅工友，中午食飯千祈咪飲酒，因為好多工業意外都係因為飲酒惹禍。唔知關預算案乜事呢？
傳真︰2623-9278
電郵︰