闊別香港近十年嘅前銀監處（九三年併入金管局後，呢個處冇咗）副銀監專員卓盛泉，噚日以嘉賓身份，現身渣打銀行馬來西亞新總部開幕慶典。無官一身輕嘅Albert卓，現時長駐吉隆坡，打理家族生意，過住優哉游哉嘅生活，驟眼睇佢同十年前無乜改變。
簡達恒退休，金管局尚未聘得韋柏康出任副總裁時，市場曾有傳聞話卓盛泉會重返香港掌銀行監理工作，噚日講起，佢笑話都好掛住香港，但最好係「在香港搵錢，吉隆坡使錢」。因為馬拉消費十分便宜，多嘢食又多嘢玩。
身為盤谷銀行馬國全資附屬分行主席嘅卓盛泉，又大讚佢新晉行會成員嘅舅仔陳智思，年輕有為又「靚仔」，加入行政會議一定有一番作為咁話。
傳真︰2623-9278
電郵︰