名模周汶錡、滕麗名和魏駿傑等，昨日在尖沙嘴出席名表活動，對於樂基兒日前承認隆胸一事，被指整過容的周汶錡表現激動，更希望大家收口，以免增添對方壓力。
滕麗名、魏駿傑、陶大宇、名模周汶錡、Rosemary及賽車好手李英健，昨日在尖沙嘴出席「100OrisYears百年經典回顧展」，各人均獲贈名表一隻。
有傳整過容的周汶錡昨日被問到樂基兒承認隆胸一事時，表現得頗為激動，她說：「又問呢件事呀？人哋都認咗啦，我覺得大家真係唔好再討論呢件事，而且任何批評同意見都對佢唔公平，日日咁俾人講，點都會影響到佢嘅心情。」
問到周汶錡整容是否在模特兒界十分普遍？她說：「我唔想討論，亦都唔想畀意見，因為我認為冇必要去討論呢個問題。」
而滕麗名則指男友魏駿傑曾送手表給她，她不太在意價錢，她說：「我自己一直都比較鍾意mansize嘅手表，因為顯得隻手瘦啲，同埋啲表太貴嘅話，我會鎖喺保險箱唔戴，可能最後會去咗堆填區呀！」
另外，魏駿傑指看好陶大宇及鄧萃雯贏得無綫台慶的男女主角獎項，大宇卻指假若成為事實，必定成為台慶大新聞，大宇說：「我反而對其他對手都有信心，因為佢哋個個嘅角色都難演過我嗰個，好似林保怡同歐陽震華個角色都好難做，而我個角色就易得多啦，如果我咁都攞到，就真係台慶大新聞！」
採訪：李珮洳
攝影：何國豪
