許志安昨日到商台接受訪問。日前劉德華表示，若樂壇只得一間唱片公司，就可以杯葛搞得差的頒獎禮，對此許志安說：「咁樣唔好玩喎，有良性競爭先好，咁先有進步，同一公司有拗撬就唔好啦。咁樣（華仔的想法）太理想化，冇可能，除非唱片公司合併就得，如果樂壇得一間唱片公司，咁就係樂壇嘅悲哀。」
此外，安仔表示稍後會到上海以客串形式拍攝一套劇集，另一套由他做主角的則在三月開鏡，安仔說：「客串嗰套我會做一個離過婚嘅人，我相信會用木口木面嘅演繹。」
記者笑指其老友蘇永康離婚後也是這樣時，許志安即改口說：「我身邊冇乜朋友離婚，但佢又唔係唔笑，我諗我都係改個演繹方法。」
採訪、攝影：王連連