五十七歲的興叔與妻子可謂貧病交煎，興叔左腳傷殘、興婦則患上大腸癌，近月其居於老人院的年邁母親又不幸跌傷盆骨，侍母至孝的他需經常前往探望，致令車費開支驟增，加上兒子經常失業，現已欠下兩個月公屋租金，被房屋署發警告信。
「我都失咗業三年有多，太太又有病，個仔成日都冇工開，我哋兩公婆攞開綜援金，我個仔就冇攞，雖然社會福利署有租金津貼，不過我哋每個月都要貼七百幾蚊，𠵱家終於頂唔順。」興叔無奈地說。
興叔原職小巴司機，三年多前左腳因血管閉塞，以致行動不便，其妻差不多同一時間發現患上大腸癌，經手術治療後暫時情況穩定。
興叔表示，其二十三歲兒子任職散工，惟經常開工不足，其子沒領綜援金，社署按例只能發放屋租一半作為夫婦的租金津貼，夫婦惟有將每月綜援金內的數百元特別膳食津貼用作補貼租金，生活相當困難。
「我太太每個星期要返醫院覆診，媽媽早排又跌親，我成日要去睇佢，車費開支多咗好多。」興叔懊惱地說。
蘋果日報慈善基金有見興叔的困難，即時撥款二千九百六十元予他繳付欠租。 捐款編號：C1541
暖流熱線
電話：29908688
傳真：23702192
電郵：
網址：