英雄莫問出處，資深大狀湯家驊最近成為尊貴嘅議員，佢噚日出席社聯活動同班貧窮兒童見面，班細路話自己成家人住喺板間房，湯大狀無咩回應，八方以為佢不知窮滋味，但一問之下，先知原來湯大狀細個時都住過板間房，重係粵語殘片《七擒七縱七色狼》裏面高魯泉成班人騎膊馬裝狄娜換衫嗰隻㖭。「其實細個時屋企好窮，成家人住喺板間房，好辛苦吓，所以我好明白佢哋嘅苦況。」不過，佢話殖民地時代機會均等，所以佢咁窮都有機會去皇仁書院讀書，之後重入埋港大。希望班小朋友以湯大狀為目標，擺脫貧困，住邊唔緊要，最緊要唔好裝隔籬師奶換衫，做個對社會有貢獻嘅人。
傳真︰2623-9278
電郵︰