昨日一眾《我和殭屍有個約會III之永恒國度》演員萬綺雯、陳啟泰、陳煒和麥家琪等，為了迎合萬聖節而悉心打扮，其中陳煒的淌血公主look最突出，反觀一班歌手如薛凱琪和官恩娜則以一貫靚樣亮相。
官恩娜、梁洛施（Isabella）、薛凱琪、劉浩龍及一班亞視《我和殭屍有個約會III之永恒國度》演員，包括萬綺雯、陳啟泰、陳煒和麥家琪等，昨日萬聖節到旺角新世紀廣場出席「新世界殭屍大鬥法」活動。
眾歌手未有扮鬼扮馬到場，反而一眾亞視藝員的服飾及化妝別出心裁，當中陳煒打扮成血流披面的公主，陳啟泰則以吸血殭屍look搶風頭，他說：「本來我想叫公司搵套超人衫畀我，因為我想向基斯杜化致敬，但係後來發現貨不對辦，件衫個S字又細，條褲又唔係三角褲。」
而沒有扮鬼扮馬，一身便服的官恩娜相比一眾《殭屍》演員則失色不少，對於日前出席活動時不慎走光，她昨日說：「我嗰日唔係刻意走光，只不過係因為要收花先至唔小心，我下次盡量唔着白色打底褲，或者喺褲上面整啲珠片做裝飾，費事人哋以為我刻意啦。」
此外，Isabella則澄清並非因胃抽筋入院，她說：「我諗應該係啲腸有事，因為我有屙血情況出現，當初我都以為係月經問題，而且每次都好大量。本來我要照腸，但係嗰日係男醫生，唔係咁方便，所以我要約到女醫生先睇。」
採訪：胡比
攝影：何國豪
