荷李活金像女星妮歌潔曼（NicoleKidman）同電影《情陷紅磨坊》導演巴茲魯爾曼（BazLuhrmann）為ChanelNo.5製作嘅話題廣告，呢個月十號開始喺本地出街，而呢個廣告嘅二十五分鐘製作特輯亦會喺今個星期四（四日）有得睇。
妮歌今次嘅廣告真係未播已經轟動全球，喺巴茲魯爾曼鬼斧神工嘅指導下，由妮歌嘅化妝、服裝同打扮，以至布景設計都做到盡善盡美，導演重選用咗德布西（Debussy）首《月光曲》做配樂。
巴茲魯爾曼利用今次機會，演繹咗一個忠於呢款香水嘅女性故事，原來佢對ChanelNo.5嘅童年記憶，就係喺黑白鏡頭入面，瑪麗蓮夢露（MarilynMonroe）回答記者問當佢喺床上嗰陣會着乜嘢，佢話幾滴ChanelNo.5嘅場面。
大個咗之後，巴茲魯爾曼認為好似妮歌呢啲咁靚嘅女人，一定係鍾意飲香檳、談吓戀愛、去吓浪漫勝地，同埋用Chanel香水喎。而呢個精采廣告嘅製作特輯，將會喺今個星期四晚八點半喺明珠台播放。