對於至愛寵物離世，不是每個人都能處之泰然。丘柔說，曾有一個女狗主，因一隻養育逾十年的狗兒病逝，委託他們將之火化，「個司機去收狗嘅時候，個主人攬咗佢好耐，唔畀佢哋走，咁啱嗰日司機無地方泊車，趕住走無理到佢，後尾個夥計講番，先知佢當時原來好激動，架車閂咗門，重想摸隻狗、錫隻狗……」
「原來佢之後傷心過度，殺死咗其餘兩隻狗之後自殺，留低遺書話『請將我嘅骨灰同三隻狗一齊安葬』……就係呢件事令我醒覺原來好多人都需要傾偈。」除寵物善終機構有提供輔導服務，為喪親家庭提供輔導的善寧會，也免費為喪失寵物者提供專業輔導服務。
該會善別輔導員古詠思說，對一些人來說，對寵物離世的哀傷與失去親人無異。「有啲人會將狗仔或貓仔當係自己嘅仔女……其實我哋無特效藥攞走佢所有哀傷，但係我哋會多啲聆聽同陪伴，等佢可以面對到。」
本報記者