近日一早一晚天氣轉涼，大使出街做嘢背囊入面梗唔少得件風褸傍身，學生哥亦紛紛着番件長袖衫返學。
不過，唔係每個家庭都有能力買衫畀仔女保暖，大使前日就收到十三歲南仔寄嚟嘅「童夢成真」許願表格，得知他想要件冷背心返學嘅願望，於是大使噚日即刻帶南仔去買件冷背心。
南仔嘅媽咪陳太同大使講：「南仔打開報紙見有童夢許願表格，就問我填表寄去蘋果好唔好？我滿足唔到個仔想要嘅嘢，惟有畀佢填表希望達成心願。」
陳太嘅一番話令大使聯想到，好多細路同南仔一樣，因為屋企冇錢，就算想要一件冷衫或者一個書包咁基本嘅物資，都係一個奢望，所以佢哋會試吓填寫許願表格，希望可以夢想成真，得到佢哋想要嘅嘢，包括：書包、文具、外套、眼鏡、電腦、波鞋……等等。
大使數數手指，蘋果「童夢成真」專戶成立至今，已經令超過八百個細路受惠，我哋嘅宗旨係盡量達成小孩子嘅願望。為咗令更多貧困孩童夢想成真，大使喺度呼籲商戶直接贊助物資送畀有需要嘅小朋友，大家亦可以透過捐款支持。
查詢電話：29908688。
「童夢成真專戶」捐款編號：C0121
暖流熱線
電話：29908688
傳真：23702192
電郵：
網址：