星展銀行（香港）主席黃鋼城（圖）自從發生保管箱事件後，忙個不停。本來星港兩邊走，但近月就好多時留喺香港主持大局，隨着事件進入尾聲，本周會飛返新加坡。
對於今次事件，呢位曾經傳過會做財政司嘅金融高手上周對八方話，自己工作多年已經慣咗處理危機，不論九一一或保管箱，喺心理上都慣咗。因此知道出事後，第一時間就係考慮優先次序，首先當然係客戶，信譽係好重要嘅，錢方面則並非大件事，而且要盡快處理。最大嘅挑戰，就係有客人「唔同我哋傾，同其他人同埋傳媒傾」。
黃鋼城最感動嘅，係有個客戶個仔喺事件解決後，寫信多謝佢，又有一位客戶送粒玉珠過佢。有次佢去灣仔飲茶午膳，搭𨋢時遇到一個五十幾歲嘅陌生人，竟然主動同佢講：「黃主席，你哋處理得好好呀！」
傳真︰2623-9278
電郵︰