蔡東豪（圖）蒙難商台，即時成為商界獵物，有人搵佢搞報紙，亦有人斟佢做生意。早前獲上市公司友利控股公司委任佢做執行董事兼董事總經理，基本月薪一萬大元，以蔡生嘅國際級材料，當然唔止呢個價。八方聽聞，呢位當年以「原復生」為筆名而揚名於財經界嘅奇才，又再提筆，食住蔡子強新君王論個勢頭，出一本企業篇嘅天書，相信一定大有市場。
其實做人第一最緊要有料，第二有橋，第三有運，蔡東豪先得《信報》老闆賞識，之後輪到俞琤，雖然都唔長久，但係唔怕，因為佢來去都甚灑脫，贏晒口碑，特別離開商台，更係當機立斷，絕不眷戀。八方聽聞有位局長非常欣賞蔡兄，不斷咁支持佢，係邊個局長夠膽欣賞大班嘅同路人？為免佢受政治迫害，都係保密好啲。
傳真︰2623-9278
電郵︰