黃毓民劫後歸來，上星期六在商台開番咪，重請咗梁家傑同何秀蘭一齊嚟「不談風月」。自從商台五月「變了天地」，幾個月間，大班做咗議員，梁文道返番牛棚，蔡東豪去咗友利，林旭華被迫歎世界，獨係毓民保得住一支咪，難怪佢在節目尾聲用咗兩句詞「蕭瑟秋風今又是、換了人間」作結。
梁家傑同何秀蘭讀番書，當然聽到眼眨眨，唔明箇中深意。呢兩句詞出自老毛《浪淘沙．北戴河》，係一九五四年夏天所作，當時正批鬥有東北王之稱嘅共和國副主席高崗，話佢想謀朝篡位。
金秋好時節，可惜今日香港，正如商台，都有「換了人間」之感，難怪毓民有「蕭瑟」之語，至於「副主席」係咪暗諷邊個就好難講囉。
傳真︰2623-9278
電郵︰