老董剩低兩年幾任期，阿爺又因為怕冇face，決定唔郁佢，於是惟有將佢架空，醃成風乾火腿掛喺個檔，唔准有大動作，平平安安就算喇。點知八方聽聞，老董仍然想有作為，至於做乜，全港市民放長雙眼喇。
講番特區檔爛攤子，大家都以為老董會大事改組行會，原來最後都係加兩個自己友算數。反而有個別行會成員建議過，踢走晒啲局長，費事佢哋喺行會內明爭暗鬥，個個想做特首。呢位仁兄建議回復以往舊觀，只有三司加非官守議員，咁傾嘢都可以開心見誠啲，結果當然不獲老董接納，於是一切照舊，全部都只講好話，無謂傷感情。
傳真︰2623-9278
電郵︰