中銀香港噚日搞咗個招聘會，諗住請最少一百人。本來請人係好正面嘅新聞，好多傳媒都一早派記者到場採訪，但點知中銀香港初時就話唔畀採訪，到後來批准傳媒採訪，又規定只可以遠距離影吓招聘會嘅情況。
八方同一眾行家諗住都算啦，影完相之後喺招聘會場外先至訪問應徵者。點知中銀有位自稱企業傳訊嘅文小姐就好唔識做，喺應徵者同記者做緊訪問之際，突然間好無禮貌咁插嘴，叫嗰位應徵者諗吓好唔好畀記者影相咁話，搞到嗰位應徵者最後訪問都唔敢做。嘩，咁都得？八方就未見過有公司公關會咁做嘢…
（圖）好哋哋做訪問，呢位自稱中銀香港企業傳訊嘅文小姐（白衣者）無端端走出嚟叫應徵者諗吓好唔好畀記者影相喎。
傳真︰2623-9278
電郵︰