李嘉欣、李綺虹和徐子淇前晚出席積家表晚宴，剛為人母的李綺虹甫見李嘉欣即與她握手擁抱。雙子座的嘉欣表示拍拖開心又煩惱，更自爆特別容易俾人飛。
李嘉欣、徐子淇及久未露面的李綺虹與丈夫前晚出席積家表晚宴，李綺虹透露九八年與丈夫註冊結婚，現定居加拿大，她並為兩月大的兒子取名李志德（TateSolomanson)，她說：「我一百四十磅，不過我唔敢搵纖體公司減肥，因為我唔夠奶，要人奶、奶粉一齊餵。」
問綺虹可會復出？她說：「我喺加拿大陀住個肚就去casting做演員，養ＢＢ好貴，希望有贊助啦！」她甫見李嘉欣即雀躍地上前握手及擁抱。而收百萬酬金擔任積家表代言人的嘉欣，前晚穿MarcJacobs低胸裙襯Fendi袋亮相，她說：「我哋五、六年冇見，佢𠵱家好幸福！」問嘉欣可羨慕綺虹結婚生仔？她說：「我唔適合生ＢＢ，只適合養狗，我出埠啲狗仔都面燶燶唔開心，生ＢＢ重大壓力。」
嘉欣早前自爆獲心儀男士送百萬手表，前晚她又謂只想與對方做朋友，她說：「拍拖開心又煩惱，我雙子座鍾意自由，特別容易俾人飛。」
另外，早前徐子淇被雜誌拍到背着男友、恒基太子李家誠在英國攬男同學及熱情地goodbyekiss，又搬往豪宅區居住，十分富貴。子淇前晚說：「好慘，人哋係德國人，唔係阿差（印巴裔），佢係我舊同學，新入嚟呢間大學讀，我照顧吓，一齊食飯好平常，攬一攬係禮貌啫！」
報道又指子淇豪花一千元請對方食午飯，又搬往豪宅區住，她說：「倫敦乜都貴㗎啦，阿媽教我唔可以只係男仔畀錢食飯，而嗰間屋我未同Martin（李家誠）一齊已經住㗎啦！」
而李家誠昨晨在中環出席明嘉福兒子明德豐婚禮時，亦為女友解畫說：「嗰啲係正常禮貌，我冇特別問番佢，睇完本書都知，係社交禮儀啫！」
採訪：JessicaNgan
攝影：HoKwokHo
