馮德倫執導的電影《精武家族》昨日在西貢拍煞科戲，日前吳彥祖踢爆馮德倫和黃秋生曾因對白問題而大打出手，昨日馮德倫和黃秋生均在場，二人更有說有笑，並笑說不夠對方打。
秋生對於吳彥祖開這個玩笑，顯得有點不悅，他說：「我唔係咁開心，覺得好煩，拍戲搞到咁多是非，係咪要我唔做嘢呀！」
問秋生是否不滿「音樂人吸毒」此對白時，他說：「拍戲有意見好正常，唉！救命，唔知點答好。」在旁的馮德倫即解圍說：「呢五個字唔係黐埋一齊講，秋生係好演員，同導演為拍戲有意見成日有。」問馮德倫會否教訓吳彥祖？他笑說：「我唔夠佢打喎！」
成龍與楊受成昨日亦往探班，二人均否認到場做和事老，成龍說：「片場嗌交好正常，以前我同三毛（洪金寶）、元彪成日喺片場為拍戲啲嘢鬧意見，但離開片場就冇事。」