長和系集團噚日發咗份新聞稿，話合共捐咗一億元俾國家建設游泳中心，作為○八年奧運會主要場館之一，建成後個體育館可以舉辦游泳、跳水、花樣游泳等比賽項目。捐贈儀式喺上星期五人民大會堂舉行，由北京市市長王岐山接受長實副主席李澤鉅既捐贈。
早陣子先聽到王岐山講辦○八奧運唔好太浮誇，𠵱家有香港商家肯俾錢起比賽場地，自然開心啦。
長實點解肯捐咁多錢，八方當然唔知，但就知道近排本港地產財團出盡法寶想攞西九文娛藝術區項目，唔知有無關係呢？就算無關，支持國家發展都係好事嚟。
（圖）長實副主席李澤鉅（左）將一億元支票交到北京市市長王岐山手中，款項將用作興建國家游泳中心。
傳真︰2623-9278
電郵︰