娛樂圈整容風熾熱，但香港卻從未有藝人肯坦承隆胸。前晚有「翻版舒淇」之稱的名模樂基兒，穿上Dior三點式泳裝行騷，上圍驕人，事後她直認隆胸，十分坦白。
近年人氣急升、有「翻版舒淇」之稱的名模樂基兒，前晚在金鐘為法國名牌ChristianDior行騷，當她穿上一件粉紅印花比堅尼出場時，盡顯豐滿上圍，身材與往昔大相逕庭。
樂基兒完騷後接受訪問，表示泳衣內並無加胸墊，她說：「我由年頭到𠵱家肥咗十磅，啲肉去晒塊面度。」她昨日馬不停蹄地連踩多個活動，先為YSLRiveGauche行騷，又為鑽石公司DTC拍攝廣告。
記者再追問樂基兒是否二度發育？她初時只是尷尬地點頭，問到是否曾經隆胸，樂基兒想了一想，以堅定的語調說：「係。不過你哋唔好問，唔好寫咁多，我唔想搶咗Dior同其他brandname（品牌）嘅風頭。其實我行騷嗰陣時都好唔慣，重要第一個（指頭場時裝騷）行，都有啲驚。」
問樂基兒於何時隆胸及花費多少？她即耍手擰頭說：「我唔講，講咗喇，唔會再講喇。」但樂基兒表示前晚的Dior騷並非她手術後的第一場騷，只是之前未有人留意到她胸部的變化。
樂基兒昨日再接受電話訪問時，對於自己坦白承認隆胸一事，她說：「我唔想講大話，初時都唔知點答，不過你問到我，我再話唔係，sayno咪重核突。」
其實整容手術在外國娛樂圈非常普遍，紅歌手如BritneySpears及碧咸嫂Victoria都曾經隆胸，而荷李活女星狄美摩亞（DemiMoore）及彭美拉安德遜（PamelaAnderson）等亦曾親口承認隆胸。
不過，香港娛樂圈對整容依然相當避忌，圈中明星、名媛及模特兒等即使容貌明顯有變化，一般多以「箍牙」、「減肥」及「出智慧齒」等作為藉口推搪，從無人肯公開承認整容。樂基兒對此說：「你知我喺美國長大，都係鬼妹咁，我覺得nobigdeal（冇問題），That'smychoice（這是我的選擇）！我覺得承認冇問題，冇所謂！好多鬼妹都係咁，我會set（帶領）個trend（潮流），認咪認囉！」
記者追問樂基兒為何忽然決定隆胸，她以天真的語調說：「唔知㗎，貪心囉，貪玩囉，可能下個season（季節）我又變番平。」不過樂基兒對隆胸詳情始終三緘其口。
此外，昨日與樂基兒一同行騷的名模陳嘉容亦大讚她言行果敢，陳嘉容說：「都feel到佢有啲唔同，不過唔會問。佢敢認，真係好大膽！model整容喺外國比較普遍，香港就少啲。」問陳嘉容覺得胸部大小會否影響工作？她說：「都冇特別，最緊要比例平均，不過平到好似男人咁就要隆胸，我自己都ＯＫ啦，我都想抽脂㗎。」
採訪：顏英儀、林妙萍
攝影：林德雄
