噚日有幾份報章引述警隊消息話，警隊高層因為唔想同黑社會一齊拜關二哥，所以決定喺新落成嘅警政大樓內唔再供奉關帝，寧願信警隊「一哥」，都唔信「關二哥」。此報道一出，警隊「一哥」李明逵（圖）即刻澄清話無呢回事，佢話佢一直都好尊重關帝精神，佢從來無落過命令移走任何、以至準備安裝喺警政大樓嘅關帝。
其實八方噚日都已經講過，警隊請走關帝只係口傳之誤而已，話晒拜關帝已經成為警隊團結上下、撲滅罪行嘅精神象徵，相信無邊個警隊高層咁夠膽踢走呢個團結嘅精神象徵，影響警隊士氣同滅罪信心。
傳真︰2623-9278
電郵︰