新任渣打（香港）副行政總裁兼總經理蘇利民，昨與傳媒午宴，首次駐紮香港嘅Sullivan，對呢個大都會讚不絕口；佢話活力動感不在話下，連日前接載佢嘅的士司機大佬都有專業水準兼談笑風生，雖然空氣質素仍有待改善，但未知是否經歷過SARS，佢話今次來港履新，發覺香港街道非常清潔。
Sullivan引述寶貝仔嘅經歷，香港比較倫敦有四大好處，包括安全啲、消費便宜啲、好玩啲，同埋喺香港有爹哋做柴可夫司機，所以阿仔話聖誕新年等重大節令，都要捨倫敦留喺香港慶祝。啱嘅，香港最緊要自強不息，咁就絕唔會遜色於其他城市。
傳真︰2623-9278
電郵︰