衞福局局長周一嶽上任嘅時候，獲得舊同學兼前任局長EK楊永強贈上一份報告書，裏面寫晒EK對醫療福利同食物衞生等嘅建議，好多人好想知，究竟周局長睇唔睇，佢就話直情當本報告係聖經。
大家都記得，EK離任前提過要做好多嘢，好似考慮畀老人家睇中醫資助，但好快畀周局長打沉。八方問周局長點睇上手留下嚟嘅報告，佢話「嗰本係Bible嚟……重睇咗幾次㖭」！
無官一身輕嘅楊永強，對八方話自己做咗自己要做嘅嘢，新局長做唔做，或者點做，對佢嚟講都無乜所謂，但就重掌握好多醫療界嘅新聞。
傳真︰2623-9278
電郵︰