富利堡最近推出一部特級豪華版Alphard，在前日的發布會中，更遠道從日本請了四位相撲手到場介紹新車。聽聞好多富豪對呢架好有興趣，兩個月內便已售出至少25部。點解咁好賣？因為呢部車外表只是一架普通的Alphard七人車，但內裏裝備超豪華，全車裝上高級淺啡木裝飾、勞斯萊斯款真皮內櫳，又有餐枱、商務座椅、車內對講機、酒櫃、電簾等，但最受富豪歡迎的，還是司機位和後座之間有玻璃相隔，保證後座乘客的說話內容不會被司機偷聽。富利堡老細Eric話引發他改裝呢架車，都是因為前陣子何志平局長的司機，聲稱在車內偷聽到老廉查何麗全的消息，因而向何麗全通水，所以他就想到要做一部可以隔音的汽車。另外架車重可以加埋防彈和防綁架功能，咁一眾富豪無論去邊都唔使成日擔驚受怕啦。
記者：曾順珍
攝影：陳偉強
車價：$699,000-$900,000
富利堡汽車（28772700）
